Movie on Unemployment in Rajasthan

Rajasthan Sarkaar Ke 15 Lakh Yuwaon Ke Rojgar Dene Ke Wade Ke Sath Vidyarthi Mitro Ke Sthayikaran , RTET Khatm Karne Aur Computerkarmiyon Ki Bharti Ko Lekar Kiye Gaye Wade Ki Wastwik Haqiqat Jald Hee Rupahle Parde Par Dikhayi Degi . Pradesh Ke Berojgaron Ke Sangathan Berojagar Aikikrit Mahasangh Ke Banner Tale Banai Jaa Rahi Is Film Me Wo Tamaam Tarah Ki Chunautiyaan Aur Sangharsh Darshane Ki Koshish Ki Jaa Rahi Hain Jiska Samna Karne Ko Aaj Ka Yuwa Majboor Ho Raha Hain .


Film Ki Sabse Khas Baat Ye Hain Ki Isme MukhyaMantri Se Lekar Shiksha Mantri Sahit Kai Tarah Ke Kirdar Rakhe Gaye Hain . Wahin Film Me In Kirdaron Ko Nibhane Wale Jyadatar Kalakaar Wo Hain Jo Berojgari Ka Dansh Jhel Rahein Hain .



Berojagar Aikikrit Mahasangh Ke Pradesh Adhyaksh Upen Yadav Khud Is Film Me BaTaur Nirdeshak , Lekhak Aur lead Role Ki Bhumika Me Nazar Ayenge . Film Ki Shooting In Dino Jaipur Aur Dungarapur Ke Vibhinn Locations Par Ki Jaa Rahi Hain . Shooting Antim Charan Me Hain Aur Iske Jald Bhavya Tarike Se लांच Kiye Jane Ki Kawayad Bhi Ki Jaa Rahi Hain .


Film Ka Nirdeshan Kar Rahein Upen Yadav Ne Rajasthan Patrika Dot Com Ko Bataya Ki Yah Film maujooda Sarkaar Ke Yuwaon Se 15 Lakh Naukariyon Ke Wade Ki Jamini Haqiqat Ko Aamjan Tak Pahunchane Ki Koshisho Se Banai Jaa Rahi Hain . Halanki Iski Mansha Is Sarkaar Vishesh Se Nahin Hokar Un Vibhinn Siyasi Dalon Ki Sarkaron Se Hain Jo Satta Me Ane Ke Liye Yuwaon Ke Sath Hee Aamjan Se Wade To Kar Baithte Hain Lekin Unhe Pura Nahin Karte .